تحليل شخصيات البنات كل وحده تدخل وتشوف شخصيتها

السلام عليكم ورحمة الله وبركاته

قلت خلني أحط شيء يتعلق بالنفس
المهم قسمت البنات حسب شخصياتهم <<<تراه من خريييييييط مخيخي
يالله نبدأ
1- الكشيخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________
2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع اللي يجي على طبيعته..يااااااااااااااااا اااحلوه ((انا منهم طبعا))
لكن الدلع المصطنع ..وووووووووواااااااااااااا اااع ع ع ع يحوم الكبد ..ودك تشوتها إذا جت تتكلم
______________________________
3- البنات النصابات :
(عاد هالفئه ياهم قاهرييييييني ودي أفحط في بطونهم )
هذي الكذب عندها ماشي سوقه .. تجيب لكم ذيك النصبه اللي مهيب صاحية وتدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر السنين .. وتسألها تقولك إلا الآن مانزل ..)
مدري متى بينزل الأخ ..بس تدرون إذا نزل علمتكم <<<معجزه ذا ماصار جوال
_________________________
4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير رمتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________
5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب فـي حااالة موب يم أحد .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مهوب يمها الضعيف هو في وادي وهم في وادي ثــــــــــــــــــــــــ ـــــــــــــاني
_____________________________
6-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
7- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
_______________________________
8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك <<<من ذا اللي يتكلم عني
_______________________________
9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________
10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب
_________________________
11-العناد :
بعض البنات عنيداااااااااااات
يعني إذابغوا شي سوووووووووووووووووووووووو وووووووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته
_______________________________
الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندررررررررررررررررررر رررررررررره
يعني إذا بغت شي تقعد تحـــــــــــــــــــــــ ــــــن على راسك لما تعطيها اللي تبيه
___________________________
13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله <<<هالنوعية لازم أصادقهم عشان أضمن الفطور
______________________________
14- غيووووورة :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة <<< عاد ياكثر اللي يغارون مني ليش ماأدري
_______________________________
15-راعية السوق:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح للسوق هذي هي هوايتها
_________________________________
16-الطبيخة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
____________________________________
17-تمســــــــكن لين تمكـــــــــن :
يعني بالعربي ملكعـــــــــــــــــــــ ــــــــــه <<< طبعا فاهمينها
________________________
18- أم دميعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

تقبلوا تحياتي واتمنى انه محد ياخذ على خاطره

تحياتي للجميع .... : .

مشكور على الموضوع ودايم منورنا بجديدك الحلو وراقي

وبصراحه اغلب الشخصيات فيني >>اي شخصيه متونعه<<<ماشاء الله

يسلمو وتقبل مروري..........القوي

غزلان

العفووووووووو غزلان ومشكوووررة على المرور

الصراحه الموضوع حلو حيييييييييييل عجبني الله يعطيك العافيه اخوي ...

» فضائح البنات في دورة المياه .. !!(+18)
» لماذا غلط الشباب طيش؟؟!وغلط البنات عيب؟؟!
» ادخلو شوفو رسائل البنات كيف
» اسماء البنات في جوالات الأولاد مع مرور الزمن . !