قصيدة بنت لابوها ..رووعه.

سلام عليكم
هذي قصيدة بنت كتبتها لابوها بعد ماتزوج على امها
يابوي بدلت أمنا بأبعد الناااااس
تركتها بعد السنين الطوالي

بعد أمنا العيشة مالها أساس.
يعل عيشتن دونها للزوالي

بعت أمنا عقب السعادة والأونااااس
حملتنا يابوي حمل الجبالى

يابوي قاسينا المرارة والاتعاااس
تركتنا بالشمس دون الظلالي

البيت بعدها مالنا فية مجلاااااس
وراح العمر بينك وبين الخوالي

وطعامنا ومشروبنا صار بقياااس
ومن عقب عزة النفس صرنا ذلالي

وملبوسنا جرد يجينا من النااااس
اللي قصير الردن واللي طوالي

واليا طلبنا زوجتك غسلة لبااااس
صاحت بأعلى صوت ماأنتم عيالي

يابوي تعطي أولادها دون مقياااس
وحنا عطيتنا ثوب جردن وبالي

كرامة عيالك عليها القدم داااااااس
وعاشوا عقب ذيك المعزة ذلالي

وأحسرتي للي يتولونه الناااااااس
أمه وأبوه بكل بيتن لحالي

أنصف لنا يابوي من عازة الناااس
وأرحم وخاف عزيز الجلالي

اتمنى انها تعجبكم وان شاء الله اشوف ردودكم الحلوه ياحلوااااااااات ........