اذا ماعليكم أمر

قلوبنا معكم يا معشر الغرباء في بلاد العم سام

شوف هذي طبخة حلوة وسهلة

تسوي لحم مفروم بالطريقة اللي كتبها بو فاطمة الزهراء عرفتها؟

تجيب كوسا
وتقطعها نصين بالطول
وتاخذ ملعقة صغيييرة مالت الخباط وتشيل اللب اللي في الكوسة بحيث يكون الشكل مثل القارب


ملاحظة:

الكمية على حسب عدد الاشخاص


وبعدين تصب زيت في جدر غزير وتقلي الكوسات المفرغة وبسرعة بتتحمر وبتنضج وشيلها وحطها على ورق نشاف عشان ينزل الزيت الزايد

تجيب اللحم المفروم وتحط على القوارب بالملعقة لين تنتهي الكمية

بعدين تحط الصلصة وهي:
تخلط
مايونيز - جبن سايل - قشطة
طبعا على حسب كمية الكوسات وبمقادير متساوية

مثلا:
ملعقتين مايونيز
ملعقتين قشطة
ملعقتين جبن سايل

وهكذا


بعد ما تحط الصلصة على الكوسات , صفهم في طبق معدن او بايركس زجاجي ودخلها الفرن تتحمر من فوق فقط

واذا تحب حط فوقها جبن مبشور مال البيتزا اسمه ( موزريلا)


وبس بالعااافية

ابشر بس اسويها بصورها لك

ويمكن ما يجي دورها الا برمضان كريم ......................(( كل سنة وأنتو طيبين((

في يوم الويك اند روح الشبرة=( سوق الخضرة بس بلغة امريكا ) واشتر لك من جميع انواع الخضار اللي تحبها كمية كبيرة شوي وعلى حسب الي عندك من المصروف


وتروح البيت وتغسل الخضار زييين وتقشرها وتقطعها واخلطها مع بعض و وزعها في اكياس صغيرة وحطها في الفريزن

عشان اذا جيت بتطبخ ما تتعطل على التقطيع وغيره خلاص طلع لك كيسة من الفريزن واحطها في الجدر على طول وبتطلع عندك خضار مسلوق ممكن تسويها مرقة أو خضار منشفة أو مع المكرونا مثل اللي في وصفة زهرة النور.


********************************************************

Ahmed A كتب:

الا يعني تحرجون الواحد والله صدق انكم من العبدالنبي
بس احس انها مافيها شي هالكلمة تطرشونهم يعني ترسلونهم
والله ماأدري شنهو الصح
اقول عبادي اذا شفت كلام مش كويس غيره من عندك
خخخخخخخخخ

Aa

نتو نتو نتو

الظاهر إنك من قبيلة آل بوش

مرقة خضار


تجيب جدر تحمس لك بصلة مقطع صغييير مع فصين ثوم ومكعب ماجي بالخضار أو بهارات مشكلة ( حسب الرغبة ) و لاتنسى الملح وتحط عليهم طماطة مقطع صغيير وتحرك بالملاس لين يذوب الطمام.


تغلي ماي في الكتلي وتخليه على جنب

تجيب كيس من الخضار المشكلة اللي أنت مفرزنه= حاطة في الفريزن وتحطه في الجدر اللي فيه البصل والطماط والثوم وتخلطهم مع بعض عشان البهار يتوزع على الجميع

بعدين تصب عليهم الماي المغلي لين يغطي الخضار

تخلي النار مرتفعة عشان المرقة تغلي شوي لمدة 10 دقايق

وبعدين تهدي النار وتخليها لين تنضج


مدة النضج = مو أكيد بس ان اروح واجي عليها واشيك على الجزر اذا نضج او لا لانه أقسى نوع من الخضار.


وبالعاافية


اكلها مع خبز


او عيش

وياليت احد يفيدنا بطريقة العيش الابيض على الطريقة المعتادة بالمكيال

لاني متخصصة فقط في المقبلات والمكروناات

طريقة العيش الابيض
ــــــــــــــــــــــــــــــ
كل كأس عيش له كأسين ماي
هذا المقدار للارز البسمتي طويل الحبة
تضيف له ملعقة زيت+هيل+دارسين+مسمار+ورق غار (حسب الرغبه
ولاتنسى الملح
تحطهم في قدر وتحطهم على نار عاليه ولما يغلي تخلي النار هادئه وتتركه 15_20 دقيقه

أفكار للطبخ السريع
ــــــــــــــــــــــــــــــــــــــــ

في الويك اند
قطع بصل وحطه في اكياس وحطه في الفريزوكذلك الـثوم

جهز لك حمسة لحم وكيسها وحطها في الفريزر(تحمس بصل وتحط عليه اللحم المفروم وتحركه وتضيف
البهارات والدارسين والملح


ترى هذه الطرق صحيه وما عليها كلام ولايتغير طعمه بعد التجميد

الشبرة ولها بديل هالكلمة

بس الملاس والكتلي شنووو نقووول بدالهم ؟؟؟؟؟؟

يبي لي اسوي بحث عن هالكلمتين في اللغة العربية

الكتلي كلمة انجليزية ( kettle)
وهي بمعنى المغلاة

بس باقي الملاس


و اللي في الجدر يطلعه الملاس على قولة حسين عبدالرضا

شوف اذا سويت طريقت الهام للعيش وتحط معاه الزيت او الزبدة يكون لذيذ والملح
خل الماي ينشف وعلامة ذلك تطلع فتحات صغيرة على سطح الرز
نبدأ الوصفة الخطيرة
تجيب فليفلة او فلفل حار واعواد دارسين ومسمار وهيل مومطحون وشريحة ليمونه ورشة قليلة من الكمون مطحون والكركم مطحون وكل ذا تخليه على سطح الرز انتبه مو سطح البيت بعدين تسكر الجدر وبعد مرور الوقت المحدد افتح الجدر واكيد الريحة الحلوة بتوصل للنتمدى

مع خالص تمنياتنا بالتوفيق والحصول عالى الشهادة الكبيرة

اقول اخوي ماعليك منهم تكلم على راحتك لاتتواخذ من كلامهم ترى بيمزحون معاك
اضحك خل الدنيا تضحك لك هههههههههههه

يا ريت تصغر من الصور يا أحمد

والله يعطيكم العافية ؟؟ كم شخص أنتم في الشقة او البناية

لكن استمر ، مع مطالعة كل جديد في الطبخ ستأتي وعندك شهادتين المجاستير و دبلوم في الطبخ

حمستنا حق الأكل يم يم يم يم

صااايمين وإلا جان رحت سويت ليي شيئ أكله

بالعافية سلم ع المؤمنين والمؤمنات اللي يمكم

ادعس لووووه ..

منو اللي يصدق ان احمد اللي حتى مايعرف يسوي شاي قام يطبخ ,, هع هع

والله لو نقول حق عمتي ان احمد قام يطبخ هناك تعطينا كف تقول لنا انتو كذابين

واصل .. !

عبادي كتب:

ادعس لووووه ..

منو اللي يصدق ان احمد اللي حتى مايعرف يسوي شاي قام يطبخ ,, هع هع

والله لو نقول حق عمتي ان احمد قام يطبخ هناك تعطينا كف تقول لنا انتو كذابين

واصل .. !

شفت شلون ياعبادي قمنا نطبخ بس لحد الان ماعرف اسوي شاي تصدق عاد
والله ماأتوقع أإمي راح تصدق لو تشوف الطبخ شكلها ماراح تعطيك كف شكلها راح تتبرا منك
خخخخخخخخخخخخخخخخخخخخخخخخخخخخخخ

Aa

الصور مو راضية تطلع

اذا عندك اكياس الشاي سهلة
كل كوب له كيس شاي
والكوب 250مل
طبعا الماء يكون مغلي

اووووووووووووووووووووو


شنو هذا يالخال اطباق محترمه

اذا ماعليكم اماره ابقى طريقة طبخ المعكرونه باللحم المفروم

عفوا


**********

وهذا رأي الخاص


تقبلي مروري

ــــــــــــــــــــــ

تم التحرير

ربي يعطيك الف عافية
صراحة الطبخة سهلة وانا مفكر انها معقده
تسلمين وراح اعطيكم التقرير اول ماأخلص